إصحوا و فوقوا و شوفوا العالم
كل كلامكم بقى مش لازم
يقتلوا فينا و تقولوا سلام
بقى ده يا عالم اسمه كلام
كل العالم صحى من نومه
و انتم بس لسه نيام
*****
اصحوا و فوقوا و شوفوا الناس
تعبت منكم و الله خلاص
نفسه في كلمة شجاعة
نفسها يكون في احساس
موقفنا خطير جدا
الموقف فعلا حساس
ومحتاج واقفة جامدة
مش محايلة و التماس
*****
اصحوا و فوقوا و شوفوا واجبكم
و انصروا شعب حياته عشانكم
يوم ورا يوم بيضحي بعمره
ولا بياخد إلا كلامكم
لو سبتوه واقف لوحده
تبقى خسارة فيكو حياتكم
ولو بس وقفتوا معاه
تنزل راية الظلم
و تعلى رايتكم
1 comment:
السؤال الى متى سيستمر هذا النوم العميق ؟؟
متى سنفيق؟
لعل ذلك قريب
Post a Comment