لا ما تبكيش يا صاحبي مش هي دي النهاية
دي بداية المقاومة و بكرة تشوف معايا
وفر دموعك ده مش وقت الدموع
لكن ده وقت المقاومة وسد كل الصدوع
لازم نقاوم بهمة لازم نهد الجدار
و على مسرحية الغدر بإدينا نشد الستار
لازم الظلم يطلع و يسيب أرض أجدادنا
و الخير من تاني يرجع و نعمر بالعلم بلادنا
و ده عمره ما يحصل بالأماني و الأحلام
و طول ما إحنا ضعاف عمره ما هيجينا السلام
لازم نبقى قوة جامدة يد واحدة يا عرب
توقف الظالم مكانه و تشعل ثورة الغضب
و ترجع الحق إللي ضاع و تنصر كل مظلوم
و نفوق بقى من خلافتنا و الله الدنيا ما هتدوم
لكن إللي باقي لينا مقاومتنا و نجاحنا
و لو بدمنا نكتب كلنا قصة كفاحنا
كفاح ضد عدو غادر خسيس ما لهوش أمان
ولازم يلزم حدوده قبل ما يفوت الأوان
و كفاح قبل ده كله ضد نفوسنا العليلة
نرجعها تاني لخالقها و لغيره ما تكونش ذليلة
و نقاوم شرور الدنيا بعزيمة و بإخلاص
و لما يحصل ده يا صاحبي يومها هيجينا الخلاص
No comments:
Post a Comment