تخاريف قلم

عايش و مش عايش

عايز و مش قادر

جوايا شيء مكسور

و الحزن شلال هادر

بحلم بصبح يطلع

لليل مالوش آخر

---

بسأل نفسي دايما

ليه الحزن قريب

و ليه الجرح لازم

يجي من الحبيب

و ليه وسط الأحبة

تعيش زي الغريب

---

بسأل ليه حواليا

ناس كتير و كتير

بتفسد كل شوية

و لا بيهمها الغير

بتحب الشر جدا

و بتكره فعل الخير

---

بسأل ليه صعب جدا
أكون في بيت مرتاح

معايا حبيب بحبه

و من كفاح لكفاح

يشيلني جوا قلبه

يساعدني على الصلاح

---

بسأل نفسي كتير

أنا غير كل البشر؟؟؟

يا ترى حب الخير

ده شيء مالوش أثر؟؟؟

ما انا زيي ناس كتير

ولا ده قدر؟؟؟

---

قدر إن الخيردايما 

لازم يكون في صراع

و إن الحق دايما

هيحارب و إلا ضاع

و إن المركب تسير

و لو من غير شراع

---

و برغم كل العتمة

و برغم طول الليل

و برغم إن الضلمة

وريتني عذاب و ويل

وبرغم كل شيء

أنا لسه متفائل

أنا لسه متفائل

حديث النفس " للشهيد الدكتور عبد العزيز الرنتيسي"

قصيدة من أكثر القصائد التي أحبها و لها عظيم الأثر في نفسي

حديث النفس

للشهيد الدكتور عبد العزيز الرنتيسي القائد الأسبق لحركة حماس

كان يحادث نفسه

فهيا نرى ماذا قال لها و ماذا قالت له؟

ماذا دهاك يطيب عَيْشُكَ في الحَزَنْ

تشري النعيم و تمطي صهو الصعاب

ماذا عليك إذا غدوت بلا وطن

و نعمت رغد العيش في ظل الشباب

يا هذه يهديك ربي فارجعي

القدس تصرخ تَسْتَغِيثُكِ فاسمعي

و الجنب مني بات يجفو مضجعي

فالموت خير من حياة الخُنَّعِ

و لذا فشدي همتي و تشجعي

---

ها أنت ترسف في القيود بلا ثمن

و غدا تموت و تنتهي تحت التراب

و بنوك واعجبي ستتركهم لمن

و الزوج تُسْلِمُهَا فتنهشها الذئاب

القيد يظهر دعوتي يوما فعِ

و إذا قتلت ففي إلهي مصرعي

و الزوج و الأبناء مذ كانوا معي

في حفظ ربي لا تثيري مدمعي

و على البلاء تَصَبَّرِي لا تجزعي

---

إني أخاف عليك أن تنفى غدا

و يصير بيتك خاويا يشكو الخراب

و تهيم بحثا عن خليل مؤتمن

يشكو لحالك أو يشاطرك العذاب

إن تصبري يا نفس حقا تُرْفَعِي

في جنة الرحمن خير المرتع

إن الحياة و إن تَطُل يأتي النعي

فإلى الزوال مآلها لا تطمعي

إلا بنيل شهادة فَتُشَفَّعِي

---

إني أراك نذرت نفسك للمحن

و زهدت في دنيا الثعالب و الكلاب

و عشقت رَمْسَاً* يحتويك بلا كفن

فرجوت ربي أن تكون على صواب

أنا لن أبيت منكسا للألمعِ

و على الزناد يظل دوما إصبعي

و لَئِن كرهتي البذل نفسي تصفعي

من كل خوار و مختال دعي

و إذا بذلت الغالي مجدا تصنعي

---

إني أُعِيذُكَ أن تَذِل إلى وثن

أو أن يعود السيف في غمد الجراب

فاقضِ الحياة كما تُحِبُ فلا و لن

أرضى حياة لا تظللها الحراب

رمساً : الرمس هو القبر

رحمك الله يا شهيد

قاومت نفسك حتى روضتها

و طلبت الشهادة فنلتها

فليتنا نتعلم منك و ليتنا نعي
اللهم ارزقنا الشهادة في سبيلك

اللهم آمين

مناجاة

يا من ملأ نوره الأرض و السماوات

و أضاء كل الكون بضياه

اغفرلي ذنبي و اعفو عن السيئات

و اجب دعاء عبدك و رجاه

احمي القلب من الأهواء و الشهوات

اره طريق الحق و سدد خطاه

ارفعني بطاعتك لأعلى الدرجات

ولا تكلني لنفسي يا الله

املأ قلبي بنورك ليخرج من الظلمات

و يترك ليل المعاصي

ويعود للحق و دنياه

سؤال

سجن كبير أم نعيم أيها الوطن

ما عدنا نرى فيك سوى آلام

ضاع منك الأمن و الظلم سكن

و تاه فيك العدل و انعدم الوئام

هل كتب علينا أن نعيش بك الشجن

أم ترى ستشرق فيك غدا أحلام

؟؟؟؟؟

رجاء و دعاء

بحبكم تعلقت إلى أن يأتي الأجل

لكم الله دعوت أن يعيد بكم الأمل

و كثيرا ما انتظرت لتمحو ما بي من وجل

***
يا قدس يا غضوبة لا تنظري إلينا

نحن أكبر أكذوبة أضعناك بيدينا

تركناك مغلوبة و قلنا لا شيء علينا

***
تعللنا بالظروف و الظلم و العذاب

أغمدنا كل السيوف و تملك منا الذئاب

نحيا حياة كالضيوف أوهى من الذباب

***
الوهن أنتم صانعيه و سينتهي بكم

أنتظر أن تقضوه عليه و تعيدوا مجدكم

و لن أكف عن الأمل أو الدعاء لكم

صحوة

ماذا دهاك يا نفس

ذاهبة لأي سكة

ما الدنيا إلا محطة

لا تستحق المشقة

يبتلي بها الله خلقه

ليعلم حقا من صدقه

و بعدها يأتي السكن

لنارٍ او لجنَّات عدن

فاعملي لدار غدٍ

و انفضي عنك المذلة

كان ياما كان

كان ياما كان

كان فيه زمان

طفل رقيق برئ

بيحلم بالأمان

و نفسه في الحنان

علشان يكمل

بيه الطريق

لكن ابوه دايما

يضربه

و بدل ما ياخده في حضنه

بيعذبه

و يقول ده كله علشان اربيه

و يكون راجل بصحيح

و كده كمان أنا هخليه

جامد و يقف في وش الريح

هو يعني علشان تربيه

لازم تكسره

ما يحسش بحبك ليه

و كمان تخسره

ربيه بالحنان

حسسه بالأمان

خليه يطلع فعلا انسان

بيحب الغير

يسعى في الخير

بدل ما نقول الخير و الأمان

ده كان زمان

ده كان زمان

*****

و آدي واحد غيره

لسه صغنون

علشان عيونه

الصعب يهون

لكن تلاقيه

الشغل مخليه

و كأنه جبال

أحزان و هموم

ساب مدرسته

قطعوا كراسته

ضاعت طفولته

راحت براءته

كلمه تعنفه

واحد يقرفه

عنف يسكته

ذل يموته

بيعيش أحزان

ذل و هوان

و ده كله عشان

ضاع الحنان

و بقينا نقول

ده كان زمان

ده كان زمان

*****

و قد ايه ده طفل جميل

لكن يا خسارة

حظه قليل

أهله حطوه

على الرصيف

و لوحده سابوه

لمصير مخيف

نواح و عويل

و برد الليل

و مطر الشتا

و حر الصيف

عصابات ياخدوه

و يشغلوه

و يمشي في طريق

آخره حريق

و يا إما كده يا يعذبوه

و إن قلنا حرام

يقولوا دي ظروف

طب ده اسمه كلام

تسيبوه للخوف

من غير لا حنان

ولا بر أمان

يردوا يقولوا

ده كان زمان

ده كان زمان

*****

و علشان أطفالنا

هم أملنا

و النور لبكره

عين على بكره

بتقول ليكم

لا للعنف

ضد الأطفال

ده مستحيل

يربي أجيال

ايديكم في ايدينا

نساعد بعضينا

نمدلهم ايدنا

نشيلهم في عنينا

و نحقق أمانينا

علشان بلدنا تتغير بينا

و بكده هنقول

دايما علطول

أولادنا اهما

نور الزمان

مش كان ياما كان

مش كان ياما كان

و الله ما في حد يستاهل

مشهد بيتكرر كتير قوي

في المواصلات

في العملفي التليفون

في البيت

في أماكن كتير جدا

تلاقي اتنين ماسكين ودن بعض و شغالين نم على أي حد

فلان عمل

فلانة خلت

ده فيه كذاو كذا وك

دي بتعمل كيت و كيت و كيت

و تريقة على خلق ربنا

و ألفاظ نابية و كلام بذئ

بجد يا جماعة و الله حاجة تتعب

طب نفسي أعرف ايه وجه الاستفادة

يعني ناهيك عن كمية السيئات اللي بياخدوها

طب بس بيستفيدوا ايه

ايه فايدة الغيبة و النميمة

ده ربنا سبحانه و تعالى بيقول"يا أيها الذين آمنوا اجتنبوا كثيرا من الظنّ إنّ بعض الظنّ إثم ولا تجسسوا ولا يغتب بعضكم بعضا أيحبّ أحدكم أن يأكل لحم أخيه ميتا فكرهتموه وأتقوا الله إن الله توّاب رحيم -الحجرات:12

و قد أبلغنا رسولنا الكريم فقال " لا يدخل الجنة نمام " متفق عليه

يعني مش بس لا يدخلون الجنة

لا و كمان عذاب رهيب في النار

اللي يغيظ بقى ان الواحد لما ينصح حد من دول يقوم يقولك

أنا مش بتبلى عليه الكلام ده فيه فعلا

و كأنهم ما يعرفوش حديث رسولنا الكريم

عن أبي هريرة رضى الله عنه أن رسول الله صلى الله عليه و سلم قال: "أتدرون ما الغيبة؟" قالوا: الله ورسوله أعلم، قال: "ذكرك أخاك بما يكره" قيل: أفرأيت إن كان في أخي ما أقول؟ قال: "إن كان فيه ما تقول فقد اغتبته وإن لم يكن فيه فقد بهته" رواه مسلم

طب و حتى غير كل ده

تعالوا نفكر كده

اللي بيتكلم على حد و بيتريق عليه ده

و عمال يطلع فيه القطط الفطسانة يبقى بيحبه

طبعا لا

لأن مستحيل حد بيجب حد و يتكلم عليه أو يذكر فيه أي شئ وحش

طيب هو اللي بيكره حد ده

أو بلاش بيكرهه

اللي مش بيحب حد يهاديه بأغلى حاجة عنده

بحسناته

عن أبي هريرة رضي الله عنه أن رسول الله صلى الله عليه و سلم قال: "أتدرون من المفلس؟ قالوا: المفلس فينا من لا درهم له ولا متاع؟ فقال: إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وأكل مال هذا، وسفك دم هذا، وضرب هذا، فيعطي هذا من حسناته، وهذا من حسناته، فإن فنيت حسناته قبل أن يقضي ما عليه، أخذ من خطاياهم فطرحت عليه، ثم طرح في النار"رواه مسلم

يعني ده الواحد لو بيعشق حد جدا و بيحبه لدرجة الجنون

مش هيقبل انه يعطيه حسناته و ياخد سيئاته

فما بالكم بقى لو حد مش بتحبه

هتقبل تديله حسناتك و تاخد سيئاته

لو فكرنا كويس هنلاقي إن

و الله ما في حد في الدنيا يستاهل إننا نقلل حسناتنا و نزود سيئاتنا عشانه

حكمة

أهوى الصعاب و أُعْرَف بأني

لا أؤمن أبدا بالمحال

لكن هذي الحياة علمتني

ليس كل ما يُطْلَب يُنَال

إن كان ما أَرَدْتُهُ خير

سيجعله الله سهل المنال

و إن عَلِمَ أنه لي شر

فمصيره من طريقي الزوال

تاج عرفنا بنفسك

التاج ده و صلني برده من منى الشوربجي مدونة عصارة الحياة

و لتاني مرة آسفة على التأخير عشان نفس السبب

النت كان فاصل كالعادة

نبدأالإجابة بقى

لو أعطيتك ثلاث وردات .. من هم الثلاث الأشخاص اللى هتهديهم الورد اللي معاك؟؟

ثلاث وردات بس

ماشي

الأولى لأجمل أم في الدنيا أمي الحبيبة

و الثانية لأجمل صديقة و أخت في الدنيا

و الثالثة هحتفظ بيها للمستقبل

لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟

اللهم اجعل أعمالي كلها صالحة و لوجهك خالصة و انفع بها الإسلام و المسلمين

اللهم اجمعني و من أحببتهم فيك على حبك في الدنيا و الآخرة

اللهم ارزقني حسن الخاتمة

ما هو هدفك فى الحياة ؟؟

هدفي في الحياة هو أن أكون نافعة لديني في أي مكان أكن فيه

بمعنى

في العمل أن يوفقني الله لعمل بحث علمي جيد يساهم في إعادة المسلمين لمكانتهم العلمية المرموقة و أن أساهم في تصحيح تفكير شباب المسلمين و وضعهم على الطريق الصحيح

و إن قدر الله أن أتزوج و رزقني بالذرية فهدفي أن أربيهم تربية إسلامية صحيحة على هدف حتى ينفع الله بهم الإسلام

إن شاء الله بكرة هيكون أحسن من النهارده"هل تصدق هذه المقولة ؟؟ و لماذا ؟؟

أيوه أصدقها

ده أنا كمان مصدقة إن أي يوم يعدي على الإنسان المؤمن كله خير مهما كان فيه من صعوبات أو آلام

عارفة ليه

لأن الإنسان المؤمن عارف كويس جدا إن أمر المؤمن كله خير إذا أصابته سراء شكر فكان خير له و إذا أصابته ضراء صبر فكان خير له

أجمل مقولة سمعتها / سمعتيها فى حياتك ؟؟

نحن قوم أعزنا الله بالإسلام فإذا ابتغينا العزة بغيره أذلنا الله

فاروق الأمة عمر بن الخطاب

من المغنى اللى بتحبه أوى و إيه أحلى أغنية ليه بتحبها ؟؟

و الله هو أنا بطلت أسمع أغاني من زمان

بس كنت بحب أسمع كاظم الساهر و أكتر أغنية كنت بحبها ليه اسمها حديث النفس

أما دلوقتي بحب أسمع أناشيد و أكتر واحد بحب أسمعله

هم الحقيقة اتنين مش واحد

مشاري راشد و بحب قوي ليه نشيد أغيب و ذو اللطائف لا يغيب

و موسى مصطفى و بحب ليه قوي نشيد في كل يوم

غزة تمثل لك إيه فى حياتك ؟؟

غزة و كل شبر مسلم محتل يمثلون لي رمز الصمود و التضحية

يمثلون كرامتنا الضائعة

أعطى لإنتمائك لوطنك درجة من مائة ؟؟

100

لو تزوجت / تزوجتى و أنجبت بنتين و ولدين أى الأسماء تختار لهم ؟؟

ههههههه

إجابة السؤال ده دايما بتضحك الناس عليا بس ماشي عشان خاطرك بس يا منمن

شوفي يا ستي طول عمري من و أنا صغيرة و انا بحب اسم نور جدا عشان كده كنت دايما أقول إني هسمي ولادي كلهم نور

الأولاد: نور الدين و نور الإسلام

البنات: نور الهدى و نور الإيمان

و هبقى أناديهم نور و إسلام و هدى و إيمان

عمرك غشيت فى أمتحان و انت صغير؟؟

الحمد لله لا

لو أتعرض عليك رشوة كبيرة و انت فى زنقة ماليه هتعمل إيه ؟؟

إن شاء الله بإذن الله لن أقبلها لأن ربنا عمره ما هيبارك في حاجة جت من رشوة

تمرر التاج ده لمين ؟؟

كان نفسي أرجعهولك تاني يا منمن بس سارة سبقتني بقى

هبعته لباقي أصحابي على الميل

تاج العزوبية

التاج ده وصلني من منى الشوربجي مدونة عصارة الحياة
آسفة يا منمن على التأخر في الرد بس النت كان مزهقني

ما رأيك فى الجملة التى تقول ...العزوبية تاج على رؤوس العزاب لا يراه الا المتزوجين ؟؟

هههههههه
أكيد كل حالة ليها عيوبها و ليها مميزاتها بس الزواج هو سنة الحياة و بيقابل فطرة و غريزة في الإنسان
هو الإنسان كده مش بيعجبه حاجة لا العزاب عاجبهم حالهم ولا المتزوجين عاجبهم حالهم

ما هى العوائق من وجهة نظرك التى تحول بين الشباب والزواج هذه الايام ؟؟؟

العوائق كثيرة من ظروف اجتماعية و اقتصادية و سياسية لا تخفى على أحد
من تدني الأخلاق و تفاهة التفكير
من البعد عن الله و التمسك بمظاهر كاذبة ليس لها اي أساس لا في الشرع ولا في الدين

من وجهة نظرك هل النكد موجود فى العزوبيه ام فى الزواج ؟ ولماذا ؟

النكد موجود في كل حته سواء عزوبية أو جواز
اللي بيختلف هو نوع النكد و مصدره
و إذا كان في حاجة تخفف من النكد ده أو لا
يعني متهيألي إن نكد الدنيا كله يروح بمجرد إن الإنسان يشوف أولاده سعداء
أو يشوف شريك حياته سعيد
و ربنا مايجيب نكد لحد أبدا

ما الحل من وجهة نظرك لمشكلة (( العزوبية )) فى مصر ؟؟

و الله أنا شايفة إن حل أي مشكلة في الدنيا هو إننا نرجع لربنا تاني
لا يغير الله ما بقوم حتى يغيروا ما بأنفسهم
يعني لو رجعنا نتمسك بدينا و تعاليمه صح زي زمان أكيد الأوضاع هتتحسن و الحال هيتغير و هنلاقي حل لمعظم المشكلات
و لما يحصل ده
مش هنلاقي أهالي بيغالوا في طلباتهم
ولا هنلاقي شباب مستهتر
ولا حرامية سارقين البلد
ولا بطالة ولا ولا ولا
هنلاقي إن شاء الله كل خير

من وجهة نظرك ....هل للعزوبية مميزات وعيوب ؟؟؟

أكيد طبعا كل شئ في الدنيا له مميزات و عيوب
من المميزات مثلا الحرية إلى حد ما
المسؤلية مش جامدة قوي يعني الواحد شايل مسؤلية نفسه بس
و من العيوب افتقاد مشاركة الآخر في كل شئ
افتقاد وجود شخص تحبه و يحبك
افتقاد عدة معاني مثل الحب و التضحية و المكافحة و انكار الذات
و اكيد طبعا الأولاد

ما هو رأيك فى انشاء مدونة (( رابطة )) للعزاب من المدونين ؟؟؟

و إيه فايدتها أو هدفها
متهيألي مالهاش لازمة

أخيرا ....لمن تمرر هذا التاج ...على الأقل خمسة ؟؟؟

خمسة بحالهم
هبعته لصحابي على الميل

أنا و المطر

أحب المطر بطريقة لا يتصورها بشر

أشعر بسعادة بالغة عندما أسير تحت المطر

لا يهمني هل هو يتساقط برقة أم يهطل بشدة

و في كل مرة أكن فيها مع صديقاتي تحت المطر يَقُمْنَّ بجذبي جبريا لإبعادي عن المطر و يَقُلْنَّ ستصابين ببرد قاتل بسبب جنونك هذاو لكن الغريب أني لم أصب بالبرد و لو مرة واحدة بسبب و قوفي تحت المطر

لا أستخدم المظلة إلا نادرا و ذلك عندما أشعر أن كل من بالشارع ينظرون إلي باستغراب و كأنهم يقولون ما هذه المجنونة

فأقوم بفتح مظلتي مقاومة رغبتي الشديدة في ألا أفتحها

و لأني لست من النوع الذي يهتم لكلام الناس فسرعان ما أطلق لرغبتي العنان و أسارع بإغلاق المظلة مستمتعةً بالسير في المطر

منذ بضعة أسابيع كنت عائدة من العمل و نزلت بعيدا عن منزلنا بمسافة صغيرة و بدأت في السير و بدأ المطر في الهطول

طبعا لكم أن تتخيلوا مدى سعادتي

أكملت سيري منتشية فوجدت رجلا كبيرا يقول لي " يا ابنتي قفي تحت أي مكان يحميك حتى ينتهي المطر هكذا ستمرضين"

شعرت بإحراج شديد و لكني قلت له " المنزل ليس ببعيد" و أكملت سيري بسعادة

لا أحد يفهم كم أعشق المطر أستمتع جدا بقطرات المطر و هي تدق على رأسي و كأنها يد حانية تطرق أبواب عقلي ليفتح لها فتمحو ما به من هموم

أعشق ارتطام الأمطار بوجهي و كأنها سيل جارف يمسح ما بي من حزن و يقل لي أفيقي يا فتاة

أنا حديث عهد بالرحمن جئت أذكرك بأن الدنيا ذاهبة لا تستحق أن تحزني لأجلها

فسبحان من جعلني أحب المطر

فسبحان الله الذي أحيا بالمطر الأرض بعد موتها

سبحانك يا رازق الطير و خالق الشجر

سبحانك يا الله يا من أنزلت المطر

في حب مصر

في حب مصر تقال العجائب

مهما يرى العقل الغرائب

الكل يعشق حاضر و غائب

و لبحر هواها القلب آيب

***

على أرض مصر قامت حضارات

جد و عمل دون شعارات

ضربت بالعلم أعظم آيات

أنارت نفوسا أضاءت ظلمات

***

في حضن مصر ارتمى العاشقين

جمال فريد من رب العالمين

نسوا بسحرها العمر الحزين

و عاد لعينهم جمال السنين

***

من أجل مصر يعمل مخلصون

نهارا و ليلا لا يملون

بحب و صبر يتفاعلون

ليعود الضياء لكل العيون

***

فهل يا مصر قريبا أراكِ

و قد عاد صبحا ينير محياكِ

و غرد طيراً حراً في سماكِ

يا مصر حفظكِ الله و حماكِ

و تركنا السلام يحترق

أعيني ابكيا بحرقة فاليوم قد قتل السلام

اليوم صرعت البراءة و اغتيلت كل الأحلام

فقد تركنا عدونا بغدره يهدم الآمال

و بأيدينا وضعنا حول أعناقنا الأغلال

اليوم رضينا لأنفسنا بأبشع ذل و هوان

و لن تمحى جريمتنا مهما مضى الزمان

فقد تركنا إخواننا بين أيدي الغادرين

و لم نتقي ربنا أو نستمع للواعظين

و نسينا أننا إخوان و أن التقوى و قودنا

و تركان حقنا يهان و أطماع الدنيا تقودنا

و الأعداء بين أهلنا هذا يغدر و هذا يخون

يقتلونهم يذبحونهم و يقولون إرهابيون

و نحن لا نفعل شيئا سوى التخاذل و الصمت

و العدو من حولنا يخمد لنا كل صوت

لا يريد أن يرانا إلا في هلاك كامل

و نحن نشجب و نندد بأسلحة الدمار الشامل

و الدمار سيأتينا لا بقنبلة أو لقاح

و لكن بتركنا واجبنا و اكتفائنا بالصياح

و شعوب عريقة تعاني من ظلمات الاحتلال

و غدر الغادرين بنا فاق كل الاحتمال

و نحن غير آبهين لقتل مبادئنا العريقة

و كل يوم يمر بنا يزيد جراحنا العميقة

إلى متى سيظل هذا و متى ينتهي ضعفنا؟

و كل الانتظار لماذا هل أعجبنا صمتنا؟

و لم عشقنا دنيانا و لصالح من نفترق؟

و كيف خذلنا إخواننا و تركنا السلام يحترق؟

بلادي

بلادي يا أحلى ما في الكون

فيك الحياة

على كل شكل و معنى و لون

و عشان عيونك

كل الصعب عليا يهون

نفسي تعودي زي زمان

يا ترى طلب مجنون؟

***

بلادي يا ساكنة جوايا

يا سبب جرحي و شقايا

كل أملي و منايا

ترجعي لينا البسمة

و يعود فرحي و هنايا

***

بلادي يا ساكنة في النني

أنا منك و إنت مني

عشانك أكتب و أغني

و أقول يا رب إرضى عني

***

بلادي أنا عمري ما أقصر

في حقك يا بدر منور

عن وشك الحلو بدور

و أقول سبحان من صور

***

بلادي إمتى أشوفك تاني

تتحقق فيك الأماني

و يظهر فيك صبح جميل

و يرجع ليكي عنواني

الخلاص 2

الخلاص أكيد هيجي

بس لو إحنا عاوزين

الخلاص هيجي بينا

لو بقينا ناس تانيين

لو كل واحد فكر

إزاي يكون مفيد

مش كل واحد بيحسب

إزاي هيستفيد

بص كويس و شوف

إحنا نستاهل خلاص؟!!!

عاوزين معجزات تحصل

و إحنا في مكانا و خلاص

محدش عايز يضحي

أو حتى من نفسه يغير

الكل واقف يتفرج

و مستني الناس تتغير

بس لو بجد بقينا

في عزمنا مخلصين

لو نصرنا دينا

و بقينا بيه متمسكين

لو اتغيرنا للصح

أكيد هيطلع الصبح

و هنبقى مرتاحين

إلى أمي الحبيبة

كم سهرتِ و كم تعبتِ

كم أعطيتِ و ما بخلتِ

دائما تضحي لأجلي

و ما أتى يوما مللتِ

لأجل إسعادي

كم من الألم تحملتي

أنكرتِ حق نفسكِ

و بسعادتكِ ضحيتي

أعطيتني بكل كرم

كل حبٍ و وفيتِ

أَجِدُكِ دوما جواري

و لو مُرُّ الكلام سَمِعْتِ

تُدافعين دوما عن حقي

ولا يوما أبداً سَئِمْتِ

و إذا ما أخطأتُ يوما في حقكِ

عني صفحتي

كم غفرتِ كم سامحتِ

ولا في مرةٍ عَتَبْتٍي

كم دعوتِ لي بخيرٍ

و اللهَ كم رجوتِ

أن تَرَيْنٍي في خير حالٍ

و هو جُلُّ ما تمنيتي

أَوْدَعَ الله في حبكِ أعظم آيةٍ

يا أجمل مخلوقٍ بالكونِ

و كأنكِ من الحبِ خُلِقْتِ

لو قضيتُ كُلَّ عُمْرِي

لكِ شاكرةٌ ما وفيتُ

حق لحظةٍ بها تَعِبْتِي

فكوني متاكدةٌ يا أمي

مهما سمعتي أو رأيتي

أن حبكِ لا مثيل له عندي

من العقل و القلب تمكنتي

لكِ أدعو ليل نهار

من كل سوءٍ أمي حُفِظْتِ

إليكِ أهدي كل رقيقٍ

من كلامٍ و مشاعرٍ

لأنكِ حياتي أَنَرتِ

يا كل أوطان العرب

يا كل أوطان العرب
هل تعذريني
لم أعد أقوى الصياح
فتسمعيني
إِنْبَحَّ صوتي أنادي
أين الرجال
لم يجيبوني
رجالنا ما بين شهيدٍ و جريحٍ
قتيلٍ و سجينِ
قُطِّعَتْ فيهم العروقِ
و مات نبضُ الشرايينِ
إلى أين يأخذنا الطريق
لا تساليني
على قلبي أبدا
لم تهوني
أفديكِ بكل نفيس
غالٍ و ثمينِ
و لكن الأمر ليس بيدي
لتُعاتِبِينِي
ماذا أفعلُ

و قد مَلَكَ زمام الأمر
كل غادرٍ
كل خائنٍ
كل كاذبٍ
كل شائنٍ مشينِ
لحالكِ كم بكيتُ
كم دعوتُ
أن ينتهي
صمت المهينِ
لو كان الأمر بيدي
لَوَحَدْتُ صفكِ
ضد كل معتدٍ آثمٍ

ما تركت لكِ فرصة

لِتَلُومِينِي
كنتُ لأجلِ وَحْدَتُكِ
طرقتُ كل الميادينِ
أفعلُ قدر استطاعتي
ليعود نور المبينِ
دوما أنصح شَبَابُكِ
أن أفيقوا أنتم الأمل

في أن ينتهي ليل الحزينِ
و لكن صبراً بلادي
فالنصر لا ريب أتٍ
اصبري و صابري
عَلَّنِي أموتُ في سبيلكِ
أو ألدُ لكِ يوماً
صلاحَ الدينِ

إذا أردت نصره

إن كنت حقاً حزين
لسب خير المرسلين
فلا تسب الفاعلين
أو تكن من اللاعنين
اعلم أولا من هو
محمد الصادق الأمين
انظر كيف هان علينا
فكيف على الآخرين
اجعل سنته دستورا
و لك نبراس مبين
لا تقل سوف أفعل
لا تكن من القائلين
التزم بالعمل الجد
كُنْ من العاملين
اتقن عملك ..اخش ربك
لا تخشى العالمين
لا تسكت عن الحق
فتكن مع الشياطين
الزم قول الصدق دوما
لتكن من الناجين

لا تفكر في دنيا

لا تحمل هم السنين

كن ممن حمل هم دِينِهِ

لا من حمل هَمَّهُ الدين

قاوم الظلم أبدا

رد غدر الغادرين
ادعو بحكمة و موعظة
و اذكر...
"اهدِ قومي إنهم لا يعلمون"
عَلِّمْ كل هذا الكون
من هو خير النبيين
و الله بهذا ننصره
و ندحر كيد الكائدين
و نعود نحن للقمة
و يكن لنا

من الشاكرين

مع الألم

بدأ الأمر ببرد بسيط في المعدة و هو شئ اعتدته و اعتادني، ثم ترك البرد معدتي و لكنه آثر ألا يتركني، انتقل إلى الضلوع و هنا تحول الأمر إلى ألم رهيب.
جلست طريحة الفراش يومين كاملين، كنت لا أستطيع التنفس، كلما تمددت الرئة و لامست الضلوع شعرت بألم رهيب، و لذا كنت مضطرة أن أخذ نفسي على مراحل متقطعة و هو شئ مؤلم أيضا.
يومان بأكملهما طريحة الفراش شئ لا يطاق و خاصة لشخصية مثلي إعتادت الحركة الدائمة، و لكني مدينة لهذين اليومين بالكثير، ما جال في خاطري في هذين اليومين لم أفكر فيه في حياتي كلها.
أخذت أفكر ما أوهن هذا الإنسان و ما أضعفه، قليل من الهواء يفعل به كل هذا، و ما أعجب هذا الكون الواسع، كل شئ فيه قد يكون نافعا أو ضارا، فهذا هو الهواء الذي نتنفسه و لا نستطيع الحياة بدونه، هو نفسه ما يسبب لنا الألم و ينقل لنا الأمراض، سبحان الله العظيم.
حينما و صلت لهذه النقطة و جدت دموعي تنهمر دون أن أشعر.
حاولت النهوض فلم أستطع، فإلتفت ببطئ شديد، لا أدري ما الذي دفعني إلى الإلتفات و لكن حين إلتفت لمحته، مصحفي الصغير، دائما ما أضعه بجوار الفراش.
مددت يدي و أنا أعض على نواجذي من الألم، التقطت مصحفي وقبلته ثم فتحته على الصفحة التي انتهيت عندها منذ بضعة أيام، قلت لنفسي بدلا من التفكير في الألم استغلي الوقت لمراجعة ما حفظتي و حفظ الجديد، بدأت القراءة و لكني لم أستطع أن أكمل، القراءة و النفس المتقطع تسببوا في زيادة الألم إلى حد لا يطاق.
هنا سالت دموعي أنهارا، الآن أريد أن أقرأ فلا أستطيع، كم مر علي من وقت و أنا سليمة و لم أقرأ في المصحف، كم حملته معي و لكني لم أفتحه، كم رأيته أمامي و لم أقربه، كم انشغلت عنه، كم ...وكم ...وكم ...و لكن هكذا نحن بنو البشر لا نعرف قيمة الشئ إلا إذا فقدناه.
أصبح الألم أضعافا مضاعفة مع بكائي و لكني لم أعد أهتم للألم بل كنت أقول لنفسي أنت تستحقي أكثر من هذا، لقد ابتلاك الله بهذا الألم ليذكرك بما نسيت فبالله إن عافاك و نسيت من جديد فتذكري ما كنت فيه من ألم فإن كان هذا ألم الدنيا فكيف بعذاب الآخرة.